AZƏRTAC-ın xüsusi müxbiri xəbər verir ki, aprelin 28-29-da Almaniyanın paytaxtı Berlində keçirilən antisemitizmə dair beynəlxalq konfrans öz işini başa çatdırmışdır.

Avropada Təhlükəsizlik və Əməkdaşlıq Təskilatının (ATƏT)

himayəsi ilə keçirilən konfransın işində dünyanın 60 ölkəsindən 600-dən artıq siyasətçi, ictimai xadim, yəhudi icma və təşkilatlarının nümayəndələri, Ümumdünya Yəhudiləri Konqresinin prezidenti Edqar Bronfman, Nobel Sülh Mükafatı laureatı Eliye Vizel, İsrailin Prezidenti Moşe Katsav, ABŞ-ın xarici işlər naziri Kolin Pauell, Almaniyanın federal prezidenti Yohannes Rau və federal kansler Gerhard Şröder, xarici siyasət idarəsinin rəhbərliyi və bundestaqın deputatları istirak etmişlər. Respublikamızın Almaniyadakı səfiri Hüseynağa Sadıqov və Azərbaycan Yəhudiləri İcmasının sədri Semyon İxiilov konfransda təmsil olunmuşlar.

Almaniyanın federal kansleri Gerhard Şröder konfransın başlanması ərəfəsində televiziya ilə çıxışında dünya ictimaiyyətini rasizmə qarşı

qəti mübarizəyə çağırmış və antisemitizmi "demokratiya və insan ləyaqətinə təhlükə mənbəyi" adlandırmışdır.

Konfransda cıxıs edən siyasətçilər dünyanın bütün xalqlarını irqindən,

dini əqidəsindən asılı olmayaraq fundamentalizm təzahürlərindən uzaqlaşmağa, dini və hakim millətçilik zəminində münaqişə və qarşıdurmalara son qoymağa, dinlərarası dialoqu sülh və əmin-amanlıq şəraitində birgə yaşayışın ümumbəşəri müddəaları müstəvisinə yönəltməyə, demokratik ənənə və prinsiplərə söykənən tolerantlığa, ictimai-bəşəri ünsiyyətə çağırmışlar.

Konfrans yekun iclasında antisemitizmin aradan qaldırılmasına dair hüquqi bazanın əsaslarını, ümumdünya hökumət və qeyri-hökumət təşkilatlarının bu istiqamətdə institusional təbliğat mexanizmlərini sənədləşdirmiş, ATƏT-in üzvü olan 55 ölkənin hökumətlərinə tövsiyələr hazırlamış, "Antisemitizm demokratik cəmiyyət quruculuğu yolunda mübarizə vasitəsi və kəsərli silah ola bilməz" adlı Qətnamə qəbul etmişdir.