BERLİNDƏ İNSAN HÜQUQLARI SAHƏSİNDƏ BEYNƏLXALQ DƏYİRMİ MASA KEÇİRİLƏCƏKDİR
Noyabrın 23-24-də Berlin şəhərində BMT-nin İnsan Hüquqları üzrə Ali Komissarlığı, Danimarka və Almaniya insan hüquqları təsisatlarının təşəbbüsü və təşkilatçılığı ilə “BMT-nin saziş qurumlarının işində milli insan hüquqları təsisatlarının rolu” mövzusunda dəyirmi masa keçiriləcəkdir.
Ombudsman Aparatından AZƏRTAC-a bildirmişlər ki, tədbirdə Azərbaycanın insan hüquqları üzrə müvəkkili Elmira Süleymanova da iştirak edəcəkdir. O, respublikamızda insan hüquq və azadlıqlarının həyata keçirilməsi sahəsində görülən işlər, ombudsmanın bu istiqamətdə fəaliyyəti, o cümlədən beynəlxalq əlaqələri, BMT, Avropa Şurası və digər təşkilatlarla əməkdaşlığı, əldə edilən nəticələr və problemlər barədə məlumat verəcəkdir.
Bölmənin digər xəbərləri
