BEYNƏLXALQ MİQRASİYA TƏŞKİLATI “MİQRASİYANIN İDARƏ OLUNMASININ ƏSASLARI” MÖVZUSUNDA TƏLİM KURSU KEÇİRƏCƏK
Kursa Milli Məclis Aparatının, Nazirlər Kabinetinin, əlaqədar nazirliklərin, Qaçqınların və Məcburi Köçkünlərin İşləri üzrə Dövlət Komitəsinin, Dövlət Sərhəd Xidmətinin və “Azərbaycan Hava Yolları” Dövlət Konserninin 23 əməkdaşı cəlb olunacaqdır.
ABŞ Dövlət Departamentinin Əhali, Qaçqınlar və Miqrasiya Bürosunun maliyyələşdirdiyi təlim kursunda miqrasiyanın idarə olunmasının konseptual modeli, miqrasiya qanunvericiliyinin inkişafı, miqrasiya və əmək, miqrasiya və təhlükəsizlik, pasport və viza sistemləri, qaçqınların müdafiəsi və digər mövzulara toxunulacaqdır.
