BEYNƏLXALQ TƏCRÜBƏ ÖYRƏNİLƏCƏK
AZƏRTAC xəbər verir ki, Milli Məclisin deputatları Məlahət Həsənova və Musa Quliyev ABŞ-ın Beynəlxalq İnkişaf Agentliyi (USAİD) Təşkilatının Azərbaycan Səhiyyə Nazirliyi ilə birgə həyata keçirdiyi “Reproduktiv sağlamlıq və ailə planlaşdırması” layihəsi çərçivəsində İstanbulda keçiriləcək tədbirdə iştirak etmək üçün Türkiyəyə yola düşmüşlər.
Milli Məclisin mətbuat xidmətindən verilən məlumata görə, səfərdən məqsəd qardaş ölkədə və beynəlxalq səviyyədə bu sahədə təcrübə ilə tanışlıq və informasiya mübadiləsidir. Deputatlarımız reproduktiv sağlamlıq və ailə planlaşdırması ilə bağlı təcrübəni öyrənəcək, milli qanunvericiliyin təkmilləşdirilməsində ondan istifadə edəcəklər.
Bölmənin digər xəbərləri
