BEYNƏLXALQ TİBB KONFRANSINDA
Konfransın açılışında çıxış edən səhiyyə nazirinin müavini Elsevər Ağayev ürək-damar xəstəlikləri ilə mübarizənin aktuallığından danışaraq bildirmişdir ki, Azərbaycanda bu sahədə böyük iş görülür və yaxşı nəticələr qazanılmışdır. Belə ki, son 2 il ərzində ürəkdə 400-ə yaxın cərrahiyyə əməliyyatı aparılmış və onların 95 faizi müsbət nəticə vermişdir. Ürək patologiyasından əziyyət çəkən xəstələrin sayının artması nəzərə alınaraq, bu xəstəliklərin diaqnostikası, erkən aşkar olunması və müalicəsi məsələsi gündəliyə daxil edilmişdir.
İkigünlük konfrans zamanı məruzələr dinləniləcək və ürək-damar sistemi xəstəliklərinin müalicəsinin yeni metodları nümayiş etdiriləcək, yeni dərmanların təqdimatı keçiriləcəkdir.
Bölmənin digər xəbərləri
