BEYNƏLXALQ TİBB SİMPOZİUMUNDA
“Avropa” mehmanxanasında hematologiya, onkologiya və sümük iliyinin köçürülməsi problemlərinə həsr olunmuş beynəlxalq tibb simpoziumu işə başlamışdır. Tədbir respublikamızın Səhiyyə Nazirliyi və Türkiyənin iliyin köçürülməsi üzrə elmi cəmiyyəti tərəfindən təşkil olunmuşdur. Simpoziumun işində Azərbaycan və Türkiyə alimləri iştirak edirlər.
Səhiyyə naziri Əli İnsanov simpoziumun açılışında çıxış etmişdir. Tədbir iştirakçıları bildirmişlər ki, bütün dünyada insanların ölümünün əsas səbəblərindən biri onkoloji xəstəliklər və ürək-damar fəaliyyətinin pozulmasıdır. Hər il dünyada 600 min adamda bədxassəli şiş aşkar edilir. Buna görə də, həmin sahədə ixtisaslaşmış alimlərin səylərinin əlaqələndirilməsinin aktual əhəmiyyəti var.
Simpozium avqustun 30-da başa çatacaqdır.
Bölmənin digər xəbərləri
