Bir neçə gün əvvəl paytaxtda qətl törətmiş Lənkəran rayon sakini tutulmuşdur
Bakı, 30 oktyabr (AZƏRTAC). Xəbər verdiyimiz kimi, oktyabrın 24-də Bakı şəhər sakini Nigar Sadıxovanın küt alətlə qətlə yetirilmiş meyiti Nəsimi rayonu ərazisində yaşadığı mənzilində tapılmışdır.
Aparılmış araşdırmalar zamanı mənzildən 26 min manat və 5100 dollar pul aparıldığı müəyyən edilmişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, Nigar Sadıxovanı qətlə yetirmiş Lənkəran sakini Ramil Sadıqov Nəsimi Rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində tutulmuşdur.
Faktla bağlı cinayət işi açılmışdır, araşdırma aparılır.
Bölmənin digər xəbərləri
