BİR TONA YAXIN YABANI ÇƏTƏNƏ KOLU YANDIRILMIŞDIR
Dövlət Gömrük Komitəsinin mətbuat xidmətindən AZƏRTAC-ın müxbirinə demişlər ki, Gəncə gömrükxanasının və DİN-nin Narkotiklərlə Mübarizə İdarəsinin qərb bölgəsi üzrə Regional Şöbəsi əməkdaşlarının birgə keçirdikləri əməliyyat tədbirləri nəticəsində Samux rayonunun Yenikənd kəndinin yaxınlığındakı meşə zolağında ümumi sahəsi 2 hektardan çox ərazidən bir tona yaxın yabanı çətənə kolu aşkar edilərək yandırılmışdır. Gəncə şəhər sakinləri Mürsəl Mürsəlov və Rövşən Niftəliyev isə 10,1 qrama yaxın heroini 200 ABŞ dollarına satarkən yaxalanmışlar.
Bölmənin digər xəbərləri
