Birgə əməkdaşlığa dair müqavilə imzalanmışdır
Bakı, 19 oktyabr (AZƏRTAC). Azərbaycan Milli Elmlər Akademiyasının (AMEA) İqtisadiyyat İnstitutunun elmi işlər üzrə direktor müavini, iqtisadiyyat üzrə fəlsəfə doktoru Allahyar Muradov Azərbaycan Respublikasının Prezidenti yanında Elmin İnkişafı Fondunun layihəsi çərçivəsində Moskvada olmuşdur.
AMEA-dan AZƏRTAC-a bildirmişlər ki, A.Muradov Rusiya Elmlər Akademiyasının (REA) İqtisadiyyat İnstitutunun direktoru, REA-nın müxbir üzvü R. Qrinberqlə görüşmüşdür.
Görüşdə elmin inkişafı, Rusiya və Azərbaycan alimlərinin birgə fəaliyyəti, aparılan elmi araşdırmaların nəzəri və praktiki səmərəliliyi, gələcəkdə aparılacaq tədqiqat işinin istiqamətləri müzakirə olunmuş, əməkdaşlığa dair müqavilə imzalanmışdır.
Bölmənin digər xəbərləri
