BİRİNCİ RÜBDƏ AZƏRBAYCANDA 986 HEKTAR SAHƏDƏ MEŞƏ SALINMIŞDIR
Dövlət Statistika Komitəsindən AZƏRTAC-a bildirmişlər ki, ilin birinci rübündə Azərbaycanda 986 hektar sahədə meşə salınmışdır. Bu, ötən ilin müvafiq dövrü ilə müqayisədə 14,9 faiz və ya 128 hektar çoxdur.
İlin ilk üç ayında 3.340 kiloqram ağac və kol cinslərinin toxumları tədarük edilmişdir ki, bunun da 86,9 faizi enliyarpaqlı ağacların toxumlarıdır.
Böyütmə sahələrində də işlər davam etdirilmişdir. Hesabat dövründə 10 hektar sahədə 528 min ədəd toxmacar əkilmişdir.
Dövlət əhəmiyyətli torpaqlarda 4.946 hektar meşə əkini və səpinləri suvarılmışdır.
Bölmənin digər xəbərləri
