BMT İNKİŞAF PROQRAMI AZƏRBAYCANDABİRGƏ LAYİHƏLƏRİN HƏYATA KEÇİRİLMƏSİNİ DAVAM ETDİRƏCƏK
Azərbaycanın BMT ilə əməkdaşlığa böyük əhəmiyyət verdiyini vurğulayan Vilayət Quliyev BMT İnkişaf Proqramının ölkəmizdə davam edəcəyinə ümidvar olduğunu bildirmişdir.
Görüş zamanı Ermənistanın ölkəmizə təcavüzü nəticəsində öz torpaqlarından didərgin düşmüş Azərbaycan qaçqınlarının, xüsusən də uşaqların ağır vəziyyətini Marko Barsottiyə xatırladan nazir istedadlı uşaqlar üçün BMT İnkişaf Proqramı və Azərbaycan hökuməti ilə birgə internat məktəbi yaratmaq təklifi ilə müraciət etmişdir.
BMT ilə Azərbaycan arasında səmərəli əməkdaşlığın qarşılıqlı surətdə inkişaf etdirilməsinə tərəfdar olduğunu vurğulayan Marko Barsotti demişdir ki, BMT İP çərçivəsində Azərbaycanda birgə layihələrin həyata keçirilməsi davam etdiriləcəkdir. Barsotti istedadlı uşaqlar üçün internat məktəbi yaradılması təklifinə tərəfdar olduğunu və BMT İnkişaf Proqramı çərçivəsində bu layihənin reallaşmasına çalışacağını bildirmişdir.
Görüşdə qarşılıqlı maraq doğuran digər məsələlər ətrafında da fikir mübadiləsi aparılmışdır.
Bölmənin digər xəbərləri
