BMT İNKİŞAF PROQRAMININ REGİONAL DİREKTORU AZƏRBAYCANA SƏFƏR ETMİŞDİR
AZƏRTAC xəbər verir ki, BMT İnkişaf Proqramının inzibatçısının müavini, Avropa və MDB Ölkələri üzrə Regional Bölməsinin direktoru Kalman Mijey Azərbaycana rəsmi səfərə gəlmişdir.
Səfərdən məqsəd BMT İnkişaf Proqramı ilə Azərbaycan hökuməti, özəl sektor və vətəndaş cəmiyyəti arasında əlaqələrin və əməkdaşlığın daha da inkişaf etdirilməsi və möhkəmləndirilməsindən ibarətdir.
K.Mijey Bakıda xarici işlər naziri Elmar Məmmədyarov, iqtisadi inkişaf naziri Fərhad Əliyev, rabitə və informasiya texnologiyaları naziri Əli Abbasovla görüşmüşdür.
