BOK-UN KOMİSSİYASI PYONQÇANQI YÜKSƏK QİYMƏTLƏNDİRMİŞDİR
Beynəlxalq Olimpiya Komitəsinin (BOK) yapon Çixaru İqayanın başçılıq etdiyi qiymətləndirmə komissiyası 2014-cü ilin Qış Olimpiya oyunlarının keçirilməsi üçün ilk namizəd şəhərə səfəri başa çatdırmışlar. Müfəttişlər Cənubi Koreyanın Pyonqçanq şəhərində olmuşlar. AZƏRTAC xarici KİV-lərə istinadla xəbər verir ki, BOK-un nümayəndələri gördüklərindən və hökumətin dəstəyindən razı qalmışlar.
Ç.İqaya Seulda keçirilən mətbuat konfransında demişdir: “Pyonqçanqın Olimpiya hərəkatına töhfəsi bizi heyran qoydu. Hara gedirdiksə, bizi minlərlə adam qarşılayırdı. Olimpiya oyunlarının yüksək səviyyədə keçirilməsi üçün ölkənin ən yüksək tələblərə cavab verməsi vacibdir. Bu namizədin ən böyük müsbət cəhəti təkcə idman obyektlərinin yanaşı yerləşməsində deyil, həm də hökumətin ciddi dəstəyindədir”.
Bölmənin digər xəbərləri
