BÖLGƏLƏRDƏ TƏXMİNƏN 50 APTEK BAĞLANMIŞDIR

28.04.2006 [20:25]
Çap et
A⁺ A^-

Səhiyyə Nazirliyinin İnnovasiya və Təchizat Mərkəzinin mütəxəssisləri dərman satışı şərtləri ilə tanış olmaq, lisenziyaların olub-olmadığını, satıcıların ixtisasını yoxlamaq üçün Bakı şəhərinin və bölgələrin apteklərində reydlər keçirmişlər. Nazirliyin mətbuat xidmətindən AZƏRTAC-ın müxbirinə bildirmişlər ki, Bakıda seçim metodu ilə 350 aptek yoxlanmış, onlardan 16-sı lisenziyası və dərman preparatlarının qorunması və satışı üçün müvafiq şəraiti olmadığına görə bağlanmış, 35 aptekin rəhbərliyinə dərmanların saxlanılması şəraitini yaxşılaşdırmaq barədə göstəriş verilmişdir.

Lənkəran, Masallı, Astara, Quba, Dəvəçi, Xaçmaz, Bərdə, Ağcabədi, Zərdab və Gəncədə də keçirilmiş reydlərə əsasən, müvafiq şəraiti olmayan təxminən 50 aptek bağlanmış, 70-ə yaxın lisenziyalı aptekin fəaliyyət göstərməsi üçün şərait yaradılmışdır. Bundan əlavə, əvvəllər qanunsuz işləyən 19 aptek lisenziya almış, 4-ü yenidən açılmışdır.

Mətbuat xidmətindən onu da bildirmişlər ki, indiyədək 45 aptekə lisenziya verilmişdır ki, onların da 31-i əvvəllər qanunsuz fəaliyyət göstərmiş, 14-ü yenicə işə başlamışdır.

BÖLGƏLƏRDƏ TƏXMİNƏN 50 APTEK BAĞLANMIŞDIR

MÜƏLLİFLƏ ƏLAQƏ

Bölmənin digər xəbərləri