“Borussiya” klubu yeni baş məşqçisini təqdim edib
Bakı, 10 iyul, AZƏRTAC
Almaniyanın “Borussiya” (Dortmund) futbol klubu yeni baş məşqçisini rəsmən təqdim edib.
AZƏRTAC xəbər verir ki, Bundesliqa təmsilçisi bu ilin mayında anlaşdığı Lüsyen Favr üçün təqdimat mərasimi təşkil edib.
Altmış yaşlı isveçrəli mütəxəssislə ikiillik müqavilə imzalandığı bildirilib.
Qeyd edək ki, Favr ötən mövsüm “Nitsa”nın baş məşqçisi olub. “Borussiya”nı geridə qalan mövsümün birinci hissəsində Peter Bos, ikinci hissəsində isə Peter Şteger çalışdırıb.
Bölmənin digər xəbərləri
