Böyük Britaniya Qran-Prisinin üçüncü stüardı Tom Kristensen olacaq
Bakı, 5 iyul, AZƏRTAC
“24 saat Le-Man” yürüşlərinin doqquzqat qalibi Tom Kristensen Böyük Britaniya Qran-Prisinin üçüncü stüardı olacaq.
Xatırladaq ki, cari mövsümdə Tom Kristensen Azərbaycan mərhələsində dəvətli stüardı kimi çalışıb.
AZƏRTAC xəbər verir ki, mübahisəli məqamları onunla bərabər Amerika Avtomobil İdmanı Federasiyasının nümayəndəsi, “McLaren” komandasının keçmiş rəhbərinin oğlu Tim Mayer və Türkiyə Avtomobil İdmanı Federasiyasının (TOSFED) sabiq prezidenti Mümtaz Taxincioğlu araşdıracaqlar.
Bu il Avstraliya və Kanada mərhələlərində Emanuele Pirro, Bəhreyn, Çin və Monako mərhələlərində Denni Sallivan, İspaniya və Avstriya mərhələlərində Derek Uorik, Fransa mərhələsində isə Yannik Dalma stüard olub.
Bölmənin digər xəbərləri
