BÖYÜK BRİTANİYANIN AZƏRBAYCANDAKI SƏFİRİ QAFQAZ UNİVERSİTETİNDƏ OLMUŞDUR

16.11.2006 [11:24]
Çap et
A⁺ A^-

AZƏRTAC xəbər verir ki, Qafqaz Universitetində Böyük Britaniyanın ölkəmizdəki səfiri Lorens Bristoun ilə görüş olmuşdur.

Görüşdə L.Bristoun öz ölkəsinin xarici siyasətindən, beynəlxalq əlaqələrindən danışmışdır.

Xalqlarımızın dostluq münasibətlərindən bəhs edən səfir, bu münasibətlərin əhəmiyyətini diqqətə çatdırmışdır. O, Azərbaycanın inkişafında görkəmli dövlət xadimi Heydər Əliyevin əvəzsiz xidmətlərini vurğulamışdır.

Ermənistan-Azərbaycan, Dağlıq Qarabağ münaqişəsinə toxunan L. Bristoun, problemin danışıqlar yolu ilə ədalətli şəkildə aradan qaldırılmasının vacibliyini söyləmişdir.

Səfir, eyni zamanda, təhsil əlaqələrimizin genişləndirilməsinin zəruriliyini qeyd etmiş, iştirakçıları maraqlandıran sualları cavablandırmışdır.