“Böyük qayıdış. Həsrətin sonu” adlı rəsm sərgisinə əsərlərin qəbulu başa çatıb
Bakı, 20 may, AZƏRTAC
Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə baş tutacaq “Böyük qayıdış. Həsrətin sonu” adlı rəsm sərgisinə əsərlərin qəbulu başa çatıb. Dövlət Rəsm Qaleryasından AZƏRTAC-a bildirilib ki, “Böyük qayıdış. Həsrətin sonu” adlı sərgiyə 80-dan çox rəssam müraciət edib və 62 əsər sərgilənmək üçün seçilib. Sərginin virtual ekspozisiyasını tezliklə qalereyanın sosial mediadakı hesabları vasitəsilə izləmək mümkün olacaq.
Xatırladaq ki, sərgi işğaldan azad edilmiş ərazilərə Azərbaycan mədəniyyətinin qaytarılması hədəflərinə uyğun olaraq, Azərbaycan Ordusunun rəşadət və qəhrəmanlığını təsviri sənət əsərlərində göstərmək məqsədilə keçiriləcək.
Bölmənin digər xəbərləri
