Braziliyada leysan yağışların fəsadları nəticəsində ölənlərin sayı 44 nəfərə çatıb
Bakı, 21 fevral, AZƏRTAC
Braziliyanın San-Paulu ştatının şimal sahillərində yağan leysan yağışlar nəticəsində ölənlərin sayı 44 nəfərə çatıb.
AZƏRTAC xəbər verir ki, bu barədə “Folha de S.Paulo” qəzeti məlumat yayıb.
Daha əvvəl 40-a yaxın insanın öldüyü bildirilirdi.
San-Paulu ştatının eyniadlı paytaxtını sahilyanı ərazilərlə və qonşu Rio-de-Janeyro ilə birləşdirən əsas magistral yollarda nəqliyyat əlaqələri kəsilib. Təbii fəlakətdən əziyyət çəkən 5 bələdiyyədə fövqəladə vəziyyət elan edilib. Yağışların fəsadlarının aradan qaldırılması işlərinə müxtəlif xidmət orqanlarının 500-dən çox əməkdaşı, o cümlədən hərbçilər cəlb olunub.
Bölmənin digər xəbərləri
