Braziliyada torpaq sürüşmələri 9 nəfərin ölümünə səbəb olub
Bakı, 13 yanvar, AZƏRTAC
Braziliyanın cənub-şərqindəki Minas-Jerais ştatında baş verən torpaq sürüşmələri nəticəsində azı 9 nəfər ölüb, daha bir nəfər isə itkin düşüb.
AZƏRTAC xəbər verir ki, bu barədə “CNN Brasil” telekanalı məlumat yayıb.
Minas-Jerais ştatında 180 gün müddətinə fövqəladə vəziyyət elan edilib. Yanvarın 12-nə keçən gecə bu bölgədə güclü yağışlar baş verib və torpaq sürüşmələrindən ən çox 220 min nəfərdən çox əhalisi olan İpatinga bələdiyyəsi zərər çəkib.
Telekanal xəbər verir ki, ölənlərin hamısı İpatinga sakinləridir, dağıntılar nəticəsində 150 nəfər evsiz qalıb.
Bölmənin digər xəbərləri
