“British Council” elm sahəsində ən yaxşı kommunikatoru tapmaq məqsədilə müsabiqə elan edib
Bakı, 8 iyul, AZƏRTAC
“British Council” BMT-nin 26-cı İqlim Dəyişikliyi Konfransından öncə elm sahəsində ən yaxşı kommunikatoru tapmaq məqsədilə qlobal müsabiqə elan edib.
“British Council” təşkilatının Azərbaycandakı nümayəndəliyindən AZƏRTAC-a bildirilib ki, müsabiqədə Albaniya, Azərbaycan, Banqladeş, Bosniya və Herseqovina, Botsvana, Braziliya, Çin, Kolumbiya, Efiopiya, Hindistan, İndoneziya, İordaniya, Qazaxıstan, Meksika, Nepal, Pakistan, Peru, Filippin, Serbiya, Türkiyə, Uqanda, Vyetnamdan olan elm həvəskarı kommunikatorlar iştirak edə bilərlər.
FameLab Çeltenam Festival qurumuna məxsus və onlar tərəfindən yaradılan müsabiqədir.
2021-ci il “British Council”in əməkdaşlığı ilə qlobal səviyyədə keçirilən FameLab Beynəlxalq müsabiqəsinin 15-ci və sonuncu ilidir. Builki tədbirdə kiçik interaktiv onlayn müsabiqələr proqramı təqdim ediləcək və qlobal elmi dialoqun geniş təbliğatına səbəb olan əməkdaşlığın uğuru qeyd olunacaq.
Ətraflı məlumat rəsmi veb səhifədə: https://bit.ly/3hT5tqy
Bölmənin digər xəbərləri
