Bu gün Azərbaycanın fiqurlu konkisürəni "Pekin-2022"də mübarizəyə başlayacaq
Bakı, 15 fevral, AZƏRTAC
Bu gün Azərbaycanın fiqurlu konkisürəni Yekaterina Ryabova "Pekin-2022" Qış Olimpiya Oyunlarında mübarizəyə başlayacaq.
AZƏRTAC xəbər verir ki, 19 yaşlı idmançımız Bakı vaxtı ilə saat 14:00-da qısa proqramda 24-cü nömrə altında çıxış edəcək.
Təmsilçimiz ən yaxşı 24 iştirakçı arasına düşə bilsə, fevralın 17-də keçiriləcək final mərhələsinə vəsiqə qazanacaq. Siyahıda ümumilikdə 30 idmançı yer alıb.
Qeyd edək ki, Azərbaycanın kişi fiqurlu konkisürəni Vladimir Litvintsev "Pekin-2022"də 18-ci yeri tutub.
Xatırladaq ki, “Pekin-2022” Qış Olimpiya Oyunlarında 91 ölkədən 2800-dən çox idmançı iştirak edir. Olimpiadada atletlər idmanın 15 növü üzrə 109 dəst medal uğrunda mübarizə aparırlar. Oyunlar fevralın 20-də başa çatacaq.
Bölmənin digər xəbərləri
