Bu gün Cenevrədə Dünya Səhiyyə Assambleyasının 67-ci sessiyası işə başlayır
Bakı, 19 may (AZƏRTAC). Bu gün Cenevrədə Dünya Səhiyyə Assambleyasının 67-ci sessiyası işə başlayır.
AZƏRTAC xəbər verir ki, sessiyanın işində üç mindən çox nümayəndə qlobal səhiyyənin çoxsaylı məsələlərini müzakirə edəcəkdir. Dünya Səhiyyə Təşkilatının (DST) üzvü olan bütün ölkələrdən nümayəndələrin qatılacağı sessiyalarda İcraiyyə Komitəsinin hazırladığı gündəlikdə əsas diqqət səhiyyə sahəsinə yönəlmişdir.
Dünya Səhiyyə Assambleyası DST-nin qərar qəbul edən ali orqanıdır. Assambleyanın əsas funksiyaları fəaliyyət istiqamətlərinin müəyyənləşdirilməsi, Baş direktorun təyin edilməsi, maliyyə fəaliyyətinə nəzarət, proqram büdcəsini təkrar gözdən keçirmək və təsdiq etməkdir. Assambleyanın illik sessiyaları İsveçrənin Cenevrə şəhərində keçirilir.
Qeyd etmək lazımdır ki, yeni icmalın nəticələrinə görə, DST ictimaiyyət arasında ən yüksək reytinqə malik iki beynəlxalq təşkilatdan biridir.
Bölmənin digər xəbərləri
