Bu gün fiqurlu konkisürənimiz Yekaterina Ryabova “Pekin-2022”nin final mərhələsində çıxış edəcək
Bakı, 17 fevral, AZƏRTAC
Bu gün Azərbaycanın qadın fiqurlu konkisürəni Yekaterina Ryabova “Pekin-2022” Qış Olimpiya Oyunlarının final mərhələsində çıxış edəcək.
AZƏRTAC xəbər verir ki, 19 yaşlı idmançı Bakı vaxtı ilə saat 14:00-da startı veriləcək yarışda sərbəst proqramda məharətini göstərməyə çalışacaq.
Y.Ryabova buz üzərinə 10-cu çıxacaq. Konkisürən qısa proqramda 61,82 xalla 16-cı olub və "24-lüy"ə düşməyi bacardığı üçün sərbəst proqramda iştirak hüququ qazanıb.
Turnirin qalibi hər iki proqram üzrə xalların cəminə görə müəyyənləşir.
Qeyd edək ki, Azərbaycanın kişi fiqurlu konkisürəni Vladimir Litvintsev Pekin-2022-də 18-ci yeri tutub.
Qış Olimpiya Oyunlarına fevralın 20-də yekun vurulacaq.
Bölmənin digər xəbərləri
