BU İL XARİCDƏN MİN BAŞ DAMAZLIQ HEYVAN GƏTİRİLƏCƏKDİR
Kənd təsərrüfatı naziri İsmət Abasov AZƏRTAC-a bildirmişdir ki, “Kənd təsərrüfatı məhsulları istehsalçılarının toxum, gübrə və damazlıq heyvanları ilə təmin edilməsinə əlavə dəstək verilməsi barədə” Azərbaycan Respublikası Prezidentinin 2008-ci il 21 avqust tarixli Sərəncamı uğurla yerinə yetirilir.
Sənəddə ölkə ərazisində mal-qaranın məhsuldarlığının yüksəldilməsi, mövcud cinslərin yaxşılaşdırılması və damazlıq heyvanların sayının artırılması məqsədi ilə 2008-2009-cu illərdə xaricdən damazlıq heyvanların idxal olunması da nəzərdə tutulmuşdur. Bu il ölkəmizə təxminən 1000 baş damazlıq heyvan gətiriləcəkdir.
Sərəncamın icrası ölkədə kənd təsərrüfatı məhsullarının davamlı inkişafını təmin edəcəkdir.
Bölmənin digər xəbərləri
