“BU MƏNİM VƏTƏNİM, MƏNİM TORPAĞIM” KİTABININ TƏQDİMATI
Şair Ədalət Əsgəroğlu Yazıçılar Birliyi adından yeni kitabının işıq üzü görməsi və anadan olmasının 70 illiyi münasibətilə Hüsü Qırxqızlını təbrik etmiş, ona yeni yaradıcılıq uğurları arzulamışdır. Bildirmişdir ki, təqdim olunan kitabda şair 1988-ci ildən bəri gözü ilə gördüyü, bilavasitə iştirakçısı olduğu Qarabağ uğrunda mübarizəni qələmə almışdır. Kitabda təsvir edilən hadisələrin heç biri şair təxəyyülünün məhsulu deyildir. Burada əksini tapan müsibətlərin hamısını xalqımız yaşamışdır. Əsərdə mərd, qəhrəman oğullarımızın apardığı Vətən savaşı, mənfur düşmənin törətdiyi vəhşiliklər inandırıcı şəkildə qələmə alınmışdır.
Şairlərdən Oqtay Rza, Fərqanə Mehdiyeva və başqaları kitabın orijinal formada qələmə alındığını vurğulayaraq, şairin işğal altında qalan yurd-yuva, torpaq həsrətini oxuculara çatdıra bilmək bacarığından, dilinin rəvanlığından və başqa sənətkarlıq xüsusiyyətlərindən danışmışlar.
H.Qırxqızlı tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
