BUDAPEŞT XARİCİ ƏDƏBİYYAT KİTABXANASINDA AZƏRBAYCAN GÜNÜ KEÇİRİLMİŞDİR
Bu, diplomatik nümayəndəliyimizin və həmin kitabxananın heç də ilk birgə tədbiri deyildir. Azərbaycana həsr olunmuş gecədə Rusiya, Belarus və digər ölkələrin səfirləri, habelə, Macarıstan ziyalıları, alimləri və ictimaiyyətinin nümayəndələri iştirak etmişlər.
Azərbaycan tərəfi mədəniyyət ocağına ölkəmiz haqqında kitablar hədiyyə etmişdir. Azərbaycanın dahi lideri Heydər Əliyev haqqında nəşrlər kitabxananın fondunda xüsusi fəxri yer tutacaqdır.
Tədbir iştirakçıları Azərbaycan haqqında fotosərgi, müxtəlif ədəbiyyat ekspozisiyası, milli tətbiqi sənət əşyaları və s. ilə tanış ola bilmişlər.
Gecədə “Azərbaycan: dünən və bu gün” sənədli filmi göstərilmişdir. Məktəblilər Afaq Bədəlbəyli və Günel Həsənova milli geyimdə çıxış edərək, sürəkli alqışlar altında Tofiq Quliyevin “Bakı haqqında mahnı”sını oxumuşlar.
Bölmənin digər xəbərləri
