Cəlilabadda külli miqdarda narkotik vasitə qanunsuz dövriyyədən çıxarılıb
Bakı, 25 yanvar, AZƏRTAC
Cəlilabad Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində külli miqdarda narkotik vasitə aşkarlanaraq qanunsuz dövriyyədən çıxarılıb.
Daxili İşlər Nazirliyinin mətbuat xidmətinin Lənkəran regional qrupundan AZƏRTAC-a bildiriblər ki, rayon polis şöbəsinin əməkdaşları narkotiklərin qanunsuz dövriyyəsində şübhəli bilinən, əvvəllər məhkum olunmuş şəhər sakini Etibar Verdiyevi saxlayıblar. Həmin şəxsin üzərinə baxış zamanı əlindəki polietilen torbada üç bükümdə ümumi çəkisi 3 kiloqram 360 qram olan heroin aşkar edilərək götürülüb.
Faktla bağlı Cəlilabad Rayon Polis Şöbəsinin istintaq bölməsində cinayət işi başlanılıb, araşdırma aparılır.
Bölmənin digər xəbərləri
