ÇEÇENİSTANDA UŞAQ ALVERİ İLƏ MƏŞĞUL OLAN TİBB İŞÇİLƏRİ SAXLANILMIŞDIR
AZƏRTAC “Novosti” Agentliyinə istinadla xəbər verir ki, Çeçenistanda uşaq alveri ilə məşğul olan bir qrup tibb işçisi saxlanılmışdır. Narkotiklərin dövriyyəsinə nəzarət üzrə idarənin aparıcı inspektoru Mövla Qayrxanov demişdir ki, xəstəxanalardan birinin tibb işçilərinin narkotik tərkibli preparatlarının alveri ilə məşğul olduqları barədə operativ informasiyanı yoxlayarkən, burada uşaqlarla alver edən əməkdaşların izinə düşdük. Nəticədə üç nəfərdən ibarət (onların ikisi qadındır) cinayətkar qrup aşkar edilmişdir. İstintaqın əlində cinayətkarların üçaylıq uşağı satmaları barədə sənədli faktlar var.
Faktla bağlı araşdırma aparılır.
Bölmənin digər xəbərləri
