ÇERNOBIL ƏLİLLƏRİ İLƏ GÖRÜŞ
Şəhərdəki Çernobıl Əlilləri Cəmiyyətinin üzvləri əvvəlcə ümummilli liderimiz Heydər Əliyevin abidəsini ziyarət edərək gül dəstələri qoymuşlar.
Salona toplaşanlar qəza zamanı öz vətəndaşlıq borcunu yerinə yetirərkən həlak olmuş qəhrəmanların xatirəsini bir dəqiqəlik sükutla anmışlar.
İcra hakimiyyətinin başçısı Vaqif Əliyev çıxışında bildirmişdir ki, 20 il əvvəl Çernobıl AES-in 4-cü blokunda baş vermiş qəzanın nəticələrinin aradan qaldırılmasında 7 mindən çox azərbaycanlı iştirak etmiş, 2 min həmvətənimiz həlak olmuşdur. Onların arasında sumqayıtlılar da var. Qəza nəticəsində 44 sumqayıtlı həlak olmuş, qalanları ömürlük əlilə çevrilmişlər. Son üç ildə onlarla sıx əlaqə yaradılmış, imkan daxilində problemləri həll edilir.
Şəhərin başçısı vurğulamışdır ki, ümummilli liderimiz Heydər Əliyevin 1993-cü ildə Azərbaycana rəhbəriliyə qayıdışından sonra ölkədə Böyük Vətən müharibəsi, Əfaqanıstan müharibəsi və Çernobıl faciəsi əlillərinə münasibət kökündən dəyişmişdir. Bu bizim tariximizdir. Ulu öndər demişdir ki, Çernobıl qəzasının ağrı-acısını dadan adamların və onların ailələrinin həssas münasibətə ehtiyacı var. İlham Əliyev də bu xətti davam etdirir. O, Prezident seçildikdən dərhal sonra bildirmişdir ki, məmurun başlıca vəzifəsi ölkəsinin vətəndaşlarına qayğı və diqqətlə yanaşmaqdır.
Respublika Çernobıl Əlilləri Cəmiyyətinin prezidenti Mirhəsən Həsənov və başqaları çıxışlarında 1990-cı ildə yaradılmış Cəmiyyətin tarixindən danışmışlar. Bildirilmişdir ki, Çernobıl əlillərinin başlıca problemi onların xəstə nəslidir.
Şəhər icra hakimiyyəti Çernobıl faciəsinin 20-ci ildönümü ilə əlaqədar hər bir əlil ailəsinə ərzaq və məişət əşyaları vermişdir.
