Çexiya estradasının əfsanəsinə həsr edilmiş medal buraxılacaq
Praqa, 30 oktyabr (AZƏRTAC). Çexiya estradasının tanınmış nümayəndəsi Karel Qottun xatirəsi qızıl və gümüş medallar şəklində əbədiləşdiriləcəkdir. Çexiya sikkəxanası bu cür medallar buraxmağa hazırlaşır.
Qottun 75 illik yubileyi gələn il qeyd olunacaq. Lakin Çexiya sikkəxanası “qızıl bülbül” ləqəbli bu sənətçinin yubileyinə əvvəlcədən hazırlaşmağı qərara almışdır. Medalın üst tərəfində Karel Qottun portreti, arxa tərəfində isə bülbül, dəfnə ağacı və arfa təsvir edilmişdir. Medalın müəllifləri Yaroslav Beyvel və Peter Qorak müğənninin çox xoşladığı bir heykəltəraşlıq əsərinin təsiri ilə bu qərara gəlmişlər.
Pərvanə Qarayeva
AZƏRTAC-ın xüsusi müxbiri
Praqa
Bölmənin digər xəbərləri
