Çin Avstraliya vətəndaşının casusluq fəaliyyətinə görə saxlanıldığını təsdiqləyib
Pekin, 27 avqust, AZƏRTAC
Çinin hüquq-mühafizə orqanları Avstraliya vətəndaşı Yan Cünü casusluq fəaliyyətinə görə saxlayıb.
AZƏRTAC xəbər verir ki, bu barədə Çin Xarici İşlər Nazirliyi məlumat yayıb. Çin mənşəli Avstraliya vətəndaşı olan Yan Cün avqustun 23-də Pekində prokurorluğun orderi əsasında saxlanılıb. Dövlət Təhlükəsizlik Nazirliyinin əməkdaşları məsələ ilə əlaqədar təhqiqat aparır.
Çin XİN-in yaydığı bəyanatda deyilir ki, saxlanılan şəxsin səhhəti ilə bağlı problem yoxdur, onun bütün hüquqları təmin olunur.
Çin tərəfi Avstraliya rəsmilərinin Yan Cünün saxlanma şəraitinin yaxşı olmamasını iddia edən bəyanatlarını əsassız hesab edir. "Çin qanunların ali olduğu ölkədir və Avstraliya Çinin qanunlarına, suverenliyinə hörmətlə yanaşmalı, sözügedən məsələ ilə əlaqədar hüquqi prosesə müdaxiləni dayandırmalıdır", - deyə bəyanatda vurğulanır.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
