Çin xəttatlığı müsabiqəsinin nəticələri açıqlanıb
Bakı, 9 may, AZƏRTAC
Azərbaycan Dillər Universiteti nəzdində fəaliyyət göstərən Konfutsi İnstitutu Çinin Azərbaycandakı səfirliyinin dəstəyi ilə aprelin 16-dan mayın 6-dək ölkədə Çin dili sevərlər üçün “Epidemiya ilə birgə mübarizə aparmaq və çətinlikləri dəf etmək” devizi altında onlayn Çin xəttatlığı müsabiqəsi keçirib.
Səfirlikdən AZƏRTAC-a bildirilib ki, müsabiqənin şərtlərinə görə, əl işləri fırça və ya qələm ilə yazılmalı, mövzuya riayət edilməli və canlı forma olmalı və Azərbaycan dili tərcüməsi ilə birgə hazırlanmalıdır. Müsabiqə Konfutsi İnstitutunun tələbələri və Azərbaycanın bütün bölgələrindən olan Çin dili həvəskarları tərəfindən müsbət qarşılandı və 102 əl işi toplandı.
Münsiflər heyəti tərəfindən hərtərəfli yoxlama və qiymətləndirmə zamanı Sumqayıt şəhəri 11 saylı orta məktəbin doqquzuncu sinif şagirdi 15 yaşlı Məryəm Əsgərovanın “Güclü inanc və elmi profilaktika çətinlikləri dəf etmək üçün eyni gəmidədir” adlı xəttatlıq əsəri birinci mükafata layiq görüldü. Bakı şəhərindən Çin dili həvəskarı Könül Rəfiyeva və Azərbaycan Dillər Universitetinin Çinşünaslıq ixtisasının birinci kurs tələbəsi Nərgiz Abbasova ikincilik qazandı. Azərbaycan Dillər Universitetinin tələbələri Fidan Səlimova və Nuranə Seyidəliyeva, həmçinin Azərbaycan İqtisad Universitetinin məzunu Səidə Məmmədova üçüncü yerə layiq görüldülər. Konfutsi İnstitutu qaliblərə sertifikatlar və mükafatlar verəcək.
Müsabiqə iştirakçıları əsərlərini tamamlamaq üçün bir çox materialla tanış olduqlarını və xəttatlıq obrazlarının yazılarında dəfələrlə yazdıqlarını, bununla da Çin mədəniyyətini, xüsusilə xəttatlıq sənətini ətraflı öyrənməklə yanaşı, COVID-19 pandemiyasının bütün dünyada yayılması fonunda müsbət əhval-ruhiyyənin qoruyub saxlanılması və çətinliklərin birlikdə dəf edilməsi lazımlığını dərindən hiss etdilər. Çin pandemiya ilə mübarizədə dünyaya yaxşı bir nümunə göstərdi. Digər ölkələr bunun üçün Çinə təşəkkür etməli və ondan öyrənməlidirlər.
Bu müsabiqə hazırlıq işləri aparılmasında, əsərlərin qiymətləndirilməsində və kütləvi informasiya vasitələrində təbliğində Çinin Azərbaycandakı səfirliyinin rəhbərliyi tərəfindən güclü dəstəkləndi. Azərbaycan Dillər Universitetinin nəzdində fəaliyyət göstərən Konfutsi İnstitutunun pedaqoji heyəti bu ölkənin müxtəlif kütləvi informasiya vasitələrinə müsabiqə haqqında elanları fəal şəkildə yayıb, “Xəttatlıq müsabiqəsinin nəticələrinin qiymətləndirilməsi Qaydaları”nı dəqiq ifadə edib, Çin dilini öyrənən tələbələri müsabiqədə fəal iştiraka həvəsləndirib və böyük diqqətlə onlara məlumatlar verib. Azərbaycanda xüsusi karantin rejimi şəraitində bu müsabiqənin keçirilməsi təkcə əhalinin Çin dilinin öyrənilməsinə marağının artırılmasında, Çin mədəniyyətinin Azərbaycanda yayılmasında deyil, həm də pandemiyaya qarşı mübarizədə beynəlxalq əməkdaşlığın təşviqi və bəşəriyyətin vahid taleyi cəmiyyətinin qurulmasında Çinin mühüm təşəbbüslərinin təşviqində böyük əhəmiyyət kəsb edir.
Bölmənin digər xəbərləri
