Çində çökən kömür mədənindən iki nəfərin meyiti çıxarılıb
Pekin, 22 fevral, AZƏRTAC
Çinin Daxili Monqolustan muxtar rayonunda çökən kömür mədənindən 6 nəfər sağ, 2 nəfər isə ölü olaraq çıxarılıb.
AZƏRTAC rayon hökumətinin məlumatına istinadla xəbər verir ki, hazırda ərazidə axtarış-xilasetmə işləri davam etdirilir. Bu işlərə 330 nəfər canlı qüvvə, 130-a yaxın texnika cəlb olunub.
Çin Xalq Respublikasının Sədri Si Cinpin axtarış-xilasetmə işlərinin sürətlə aparılması barədə müvafiq qurumlara göstəriş verib.
Qeyd edək ki, bədbəxt hadisə Alşa adlı ərazidə günorta vaxtı baş verib. Hadisə baş verəndə mədəndə 50-dən çox işçi olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
