Çinin ÜDM-ində 18,3 faizlik rekord artım qeydə alınıb
Pekin, 16 aprel, AZƏRTAC
Çində ümumi daxili məhsul (ÜDM) istehsalı ilin birinci rübündə ötən ilin eyni dövrü ilə müqayisədə 18,3 faiz çoxalıb. Bu, Çində illik əsasda ÜDM-in rüblük rekord artımıdır.
AZƏRTAC xəbər verir ki, bu barədə Çin Dövlət Statistika Bürosunun hesabatında qeyd olunur. Belə bir böyük rəqəmin qeydə alınması COVID-19 böhranının keçən ilin birinci rübündə Çin iqtisadiyyatını 6,8 faiz gerilətməsi ilə yanaşı, ölkənin sonrakı dövrdə iqtisadiyyatını bərpa edə bilməsi ilə bağlıdır. Belə ki, ixracın çoxalması və daxili istehlak bazarının böyüməsi iqtisadiyyatın dirçəlməsində əsas amillər olub.
Çin hökuməti, habelə bəzi xarici iqtisadi təhlil qurumları da bu cür böyük rəqəmi əvvəldən proqnozlaşdırmışdılar.
Qeyd edək ki, Çin iri iqtisadiyyatlar arasında ötən ilin artım qeydə alınan (2,3 faiz) yeganə ölkədir.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
