ÇİYİD SƏPİNİ SÜRƏTLƏ APARILIR
Biləsuvar Rayon İcra Hakimiyyətinin aqrar şöbəsindən AZƏRTAC-ın müxbirinə bildirmişlər ki, rayonda pambıq əkini sahələri genişləndirilir, məhsuldarlıq artır. Təkcə bu il 7 min hektar əvəzinə 11 min hektar sahədə pambıq yetişdirilməsi nəzərdə tutulmuşdur. Çiyid səpini xeyli sürətləndirilmişdir. Hər gün sahələrə 150-dən artıq aqreqat və traktor çıxarılır, 400-450 hektar sahədə əkin aparılır. Sifarişçi emal müəssisələri olan “MKT” İstehsalat-Kommersiya şirkəti və “JTS AQRO” Məhdud Məsuliyyətli Cəmiyyəti fermerlərlə bağladıqları müqavilələrin şərtlərinə uyğun olaraq, onlara zəruri maddi-texniki yardım edirlər. Yerli şəraitə uyğun olaraq, artıq suvarma işlərinə başlanmışdır. Səpini aprelin sonunadək başa çatdırmaq nəzərdə tutulur.
Bölmənin digər xəbərləri
