ÇİYİD SƏPİNİNƏ BAŞLANDI
AZƏRTAC-ın müxbiri xəbər verir ki, Bərdə rayonunda çiyid səpininə başlanmışdır. Sahələrə kifayət qədər səpin aqreqatı, malaçəkən, traktor çıxarılmışdır. Əkin sahələrində, əsasən, “Muğan- 395”, “30-38”, “Ağ qızıl” pambıq sortları əkiləcəkdir. Cari ildə 6500 hektar sahəyə çiyid çəpiləcəkdir ki, bu da ötən ildəkindən 800 hektar çoxdur. “Qarabağ” Pambıq Açıq Səhmdar Cəmiyyəti 1500 fermerlə müqavilə bağlamışdır. Kəndli fermer təsərrüfatları keyfiyyətli çiyid toxumu, gübrə və aqreqatlarla təmin olunmuşlar.
Rayonda çiyid səpinini qısa müddətdə başa çatdırmaq məqsədilə tədbirlər görülür.
Ağdam, Ağcabədi, Yevlax, Tərtər və Beyləqan rayonlarında da çıyıd səpininə mütəşəkkil hazırlıqla başlanmışdır.
Bölmənin digər xəbərləri
