Cinayət törətdiyinə görə 40 nəfər tutulmuşdur
Bakı, 30 oktyabr (AZƏRTAC). Oktyabrın 29-da respublikanın daxili işlər orqanları tərəfindən qeydə alınmış 75 cinayət faktından 43-nün üstü “isti izlər”lə açılmışdır.
Daxili İşlər Nazirliyinin mətbuat xidmətindən AZƏRTAC-a bildirmişlər ki, Cinayət Məcəlləsinin müxtəlif maddələri ilə axtarılan 12 nəfər tutularaq istintaq orqanlarına təhvil verilmişdir.
Respublikanın avtomobil yollarında qeydə alınmış 8 yol-nəqliyyat hadisəsi nəticəsində 3 nəfər ölmüş, 13 nəfər yaralanmışdır.
Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 10 fakt müəyyən edilmişdir.
Cinayət törətdiyinə görə 40 nəfər tutulmuşdur.
Bölmənin digər xəbərləri
