“Coğrafiya və təbii resurslar” jurnalının növbəti nömrəsində...
Bakı, 23 dekabr, AZƏRTAC
Elm və Təhsıl Nazirliyinin akademik Həsən Əliyev adına Coğrafiya İnstitutu və Azərbaycan Coğrafiya Cəmiyyətinin birgə nəşri olan “Coğrafiya və təbii resurslar” jurnalının növbəti nömrəsi çapdan çıxıb.
AZƏRTAC xəbər verir ki, jurnalın yeni nömrəsində Şuşa şəhərinin temperatur və atmosfer yağıntıları rejiminin tədqiqi, iqlim dəyişmələrinin Abşeron yarımadasının yağıntı rejiminə təsiri, Şahdağ yüksək dağlıq ərazisinin meteoroloji şəraiti, Qarabağ və ətraf ərazilərin relyefinin dövrü təkamülü, Quba-Xaçmaz iqtisadi rayonunda miqrasiyanın təsərrüfatın inkişaf indeksi və ərazinin cəlbediciliyi, şəhər landşaftının antropogen dinamikasına dair məqalələr yer alıb.
Nömrədə, həmçinin dünyasını dəyişmiş tanınmış coğrafiyaçı alim və ictimai xadim Nazim Bababəyli haqqında da məlumat verilir.
Qeyd edək ki, 8 bölmə və 13 məqalədən ibarət jurnal institutun baş direktoru coğrafiya elmləri doktoru Zakir Eminovun baş redaktorluğu ilə işıq üzü görüb.
Bölmənin digər xəbərləri
