Cüdoçumuz Avropa turnirinin yarımfinalına vəsiqə qazanıb
Bakı, 12 fevral, AZƏRTAC
Bosniya və Herseqovinanın Sarayevo şəhərində cüdo üzrə açıq Avropa turniri keçirilir.
AZƏRTAC xəbər verir ki, turnirdə Azərbaycanı təmsil edən cüdoçularımızdan Samir Piriyev Türkiyə təmsilçisi Əli Bozqurdu, portuqaliyalı
Lopes Costanı, dörddəbir finalda isə niderlandlı Tibo Vollemanı məğlub edərək yarımfinal mərhələsinə yüksəlib. Onun növbəti mərhələdə rəqibi sloveniyalı David Starkeldir.
Qeyd edək ki, bu gün - yarışın birinci günündə 11 idmançımız mübarizə aparır.
Fevralın 13-dək davam edəcək yarışda 26 ölkədən 321 idmançı iştirak edir.
Bölmənin digər xəbərləri
