DAĞLIQ QARABAĞ MÜNAQİŞƏSİ İKT PARLAMENT ASSAMBLEYASININ İSTANBUL KONFRANSINDA MÜZAKİRƏ OLUNMUŞDUR
AZƏRTAC-ın xüsusi müxbiri xəbər verir ki, İslam Konfransı Təşkilatı Parlament Assambleyasının İstanbulda keçirilən IV konfransında Azərbaycan parlament nümayəndə heyətinin başçısı Gövhər Baxşəliyeva Ermənistan-Azərbaycan, Dağlıq Qarabağ münaqişəsindən və ölkəmizin ədalətli mövqeyindən ətraflı bəhs etmiş, dünya ictimaiyyətini məsələnin ədalətli həlli üçün respublikamıza dəstək verməyə çağırmışdır. Terrorun dinlə heç bir əlaqəsi olmadığını bildirən G.Baxşəliyeva, beynəlxalq terrorizmlə mübarizədə birgə əməkdaşlığın vacibliyini xüsusi qeyd etmişdir.
Konfransın qəbul etdiyi “İstanbul Deklarasiyası”nda Fələstin xalqına təzyiqlərə son qoyulması, terrorizmə qarşı mübarizədə səylərin birləşdirilməsi, İraqın suverenliyi və ərazi bütövlüyünün qorunub saxlanılması və digər məsələlər əks olunmuşdur.
Bölmənin digər xəbərləri
