“DAN ULDUZU” ANSAMBLININ 40 İLLİYİ QEYD OLUNACAQ
Ansamblın bədii rəhbəri, əməkdar incəsənət xadimi Həsənağa Qurbanov AZƏRTAC-ın müxbirınə demişdir ki, görkəmli sənətkarımız, əməkdar incəsənət xadimi mərhum Gülarə Əliyevanın təşəbbüsü ilə 1966-cı ildə yaradılmış ansambl uzun illərdir öz mövqeyini qoruyub saxlamış və musiqi mədəniyyətimizə layiqli xidmət göstərmişdir. Ötən illər ərzində “Dan ulduzu”, qarşıya çıxan problemlərə baxmayaraq, fəaliyyətini davam etdirmişdir. Hazırda ansambl görkəmli bəstəkarların əsərlərindən ibarət geniş konsert proqramını məşq edir.
Ansamblın fəaliyyətində böyük rol oynamış Gülarə Əliyevanın həyat və yaradıcılığından bəhs edən yeni kitab nəşr edilmiş və həmin toplu yubiley mərasiminin iştirakçılarına təqdim olunacaqdır.
Bölmənin digər xəbərləri
