Daşınmaz əmlakın ilkin qeydiyyatının təkmilləşdirilməsi investisiya qoyuluşlarını artıracaq - Ekspert rəyi
Bakı, 28 iyul, AZƏRTAC
Azərbaycan daşınmaz əmlakın qeydiyyatı, xüsusilə də ilkin qeydiyyat sahəsində həyata keçirilən hüquqi islahatları uğurla başa çatdırarsa, bu, investisiya qoyuluşlarının artmasına əhəmiyyətli təsir göstərəcək.
Bu fikirləri AZƏRTAC-a açıqlamasında əmlak məsələləri üzrə ekspert Ramil Osmanlı səsləndirib.
Ekspert bildirib ki, bu gün ölkəmizdə investisiya üçün çox ciddi imkanlar mövcuddur. Azərbaycan regionun ən sabit ölkələrindən birinə çevrilib. İllik statistika da Azərbaycana xarici investisiyaların axınının və investisiya qoyuluşlarının əvvəlki illərlə müqayisədə əhəmiyyətli dərəcədə artdığını göstərir.
“Gələcəkdə bu göstəriciləri daha da artırmaq üçün kifayət qədər potensial var. Lakin bunun üçün bir sıra hüquqi islahatların davam etdirilməsinə ehtiyac duyulur”, - deyə o əlavə edib.
Bölmənin digər xəbərləri
