DAŞKƏSƏNDƏ VƏ BAKININ NƏSİMİ RAYONUNDA AĞIR YOL-QƏZA HADİSƏLƏRİ BAŞ VERMİŞDİR

01.05.2008 [19:36]
Çap et
A⁺ A^-

Daxili İşlər Nazirliyinin mətbuat xidmətindən AZƏRTAC-a bildirmişlər ki, Nəsimi rayonu ərazisindəki H.Əliyev küçəsində Bakı şəhər sakini Elvin Hüseynov idarə etdiyi “VAZ-2107” markalı avtomaşınla İran İslam Respublikasının vətəndaşı Şəhrud Duranivisi vurmuş, piyada xəstəxanada ölmüşdür.

Daşkəsən rayonunun ərazisində, rayon sakini Mahal Abdullayevin idarə etdiyi “VAZ” markalı və Gəncə şəhər sakini Sərxan Əhmədova məxsus ”Mercedes” markalı avtomaşınlar toqquşmuşdur.

Xəsarət almış hər iki sürücü və “VAZ” markalı avtomobilin sərnişini, M.Abdullayevin oğlu Alik, habelə “Mercedes”in sərnişini Novruz Kərimov xəstəxanaya yerləşdirilmişlər, vəziyyətləri qənaətbəxşdir.

Hər iki faktla bağlı cinayət işi açılmışdır, təhqiqat aparılır.