DAŞQINLARIN NƏTİCƏLƏRİ ARADAN QALDIRILIR
Fövqəladə hallar üzrə rayon komissiyasının sədri Rasim Novruzov AZƏRTAC-ın müxbirinə bildirmişdir ki, ilkin məlumata görə 80-ə qədər evi su basmış, zirzəmilər dolmuş, 500 hektar əkin və xeyli fərdi təsərrüfat sahəsi su altında qalmışdır. Sakinlərə məxsus 200 başa qədər qoyun, 30 arı ailəsi 2 min başadək toyuq-cücə tələf olmuşdur. Yaşayış evlərinə ciddi ziyan dəyməsə də, bəzi tikililərdə cüzi çatlar əmələ gəlmişdir. Təqribi hesablamalara görə dəymiş zərərin məbləği 2 milyard manatadəkdir.
Nazirlər kabinetinin tapşırığı ilə Azəraqrarsukanallayihə institutunun, Dövləttikinti və Arxitektura Komitəsinin mütəxəssisləri hadisə ilə əlaqədar rayona gəlmişdir.
