DƏNİZÇİLƏRİN MƏNZİL PROBLEMİ HƏLL OLUNUR
İlin sonunadək ən azı çoxmənzilli bir bina dənızçilərin istifadəsinə veriləcəkdir.Dövlət Xəzər Dəniz Gəmiçiliyinin rəisi Aydın Bəşirov AZƏRTAC-ın müxbirinə demişdir ki, ölkəmizin başçısı Heydər Əliyevin tövsiyə və tapşırıqlarına uyğun olaraq dənizçilərin sosial vəziyyətini yaxşılaşdırmaq məqsədilə təxirəsalınmaz tədbirlər həyata keçirilir. Artıq gəmiçiliyin nəzdindəki zavodların balansında olan və metronun “Xətai” stansiyası yaxınlığında, habelə Nəriman Nərimanov prospektində yerləşən və inşası yarımçıq qalmış binalardan ikisində tamamlama işləri aparmaq üçün razılıq əldə olunmuşdur. Dənizçilər həmin binalardakı mənzilləri münasib qiymətlərə ala biləcəklər.
