Dərnək rəhbərləri və müəllimlər ixtisasartırma təlimlərinə cəlb olunublar
Bakı, 24 aprel, AZƏRTAC
“Təhsildə İnnovativ Texnologiyalar” əlavə təhsil mərkəzi məktəbdənkənar təhsil müəssisələrinin dərnək rəhbərləri və müəllimləri üçün ixtisasartırma təlimləri keçir.
Təhsil Nazirliyindən AZƏRTAC-a bildiriblər ki, təlimlərin keçirilməsində əsas məqsəd dərnək rəhbərlərinə və müəllimlərə texnologiyanın təhsildə səmərəli istifadəsini aşılamaq, İKT alətlərindən məqsədyönlü istifadə üzrə onlarda praktik bacarıqlar formalaşdırmaqdır.
“Tədris prosesində interaktiv texnologiyalardan və elektron məzmundan istifadə” üzrə ixtisasartırma xidmətindən artıq 156 müəllim və dərnək rəhbəri yararlanıb. “Müasir tədris strategiyaları və layihə metodikasının istifadəsi” üzrə təlimlərdə isə 150 nəfərin iştirakı gözlənilir.
Bölmənin digər xəbərləri
