DGK külli miqdarda aksiz markası olmayan siqaret aşkar edib
Bakı, 13 fevral, AZƏRTAC
Naxçıvan Baş Gömrük İdarəsinin əməkdaşları qanunsuz yolla ölkə ərazisinə gətirilən və üzərində aksiz markası olmayan külli miqdarda siqaret aşkar ediblər.
Dövlət Gömrük Komitəsindən AZƏRTAC-a bildirilib ki, daxil olmuş əməliyyat məlumatı əsasında Azərbaycan vətəndaşının idarə etdiyi minik avtomobili saxlanılıb və həmin nəqliyyat vasitəsinə baxış keçirilib.
Yoxlama zamanı avtomobildə Azərbaycan aksiz markası ilə markalanmayan 500 blok və ya 100 min ədəd “Milano” adlı siqaretlər aşkar edilib.
Faktla bağlı araşdırma aparılır.
Bölmənin digər xəbərləri
