DİLƏNÇİLİK EDƏN 175 NƏFƏR SAXLANMIŞDIR
Müşahidələr və təhlillər göstərir ki, bu kateqoriyadan olan şəxslər, əsasən, respublikanın Yevlax və Ağdaş rayonlarından gəlirlər.
BŞBPİ-nin aidiyyəti xidmət əməkdaşları tərəfindən belə hallara qarşı, mütəmadi olaraq müvafiq işlər görülür. BŞBPİ-nin İctimai Təhlükəsizlik İdarəsi əməkdaşlarının aprelin 27-də saat 05:30-dan 09:00-dək keçirdikləri reyd nəticəsində Nəsimi rayonundakı Təzə bazar ətrafında və Binəqədi rayonunun Biləcəri qəsəbəsində kirayədə yaşayan 175 şəxs (onlardan 119-u uşaq) saxlanılaraq, müvafiq tədbir görülməsi üçün baş idarənin qəbul-bölüşdürücü məntəqəsinə aparılmış, izahetmə söhbətləri aparıldıqdan sonra Yevlax Rayon Polis Şöbəsinə göndərilmişdir.
Bu cür şəxsləri, qeyri-qanuni olaraq, evlərində kirayənişin saxlayan vətəndaşlar İnzibati Xətalar Məcəlləsinin müvafiq maddələri ilə məsuliyyətə cəlb olunacaqlar.
