DİLLƏR UNİVERSİTETİNİN YENİ TƏDRİS KORPUSU İSTİFADƏYƏ VERİLMİŞDİR

01.09.2003 [20:51]
Çap et
A⁺ A^-

Sentyabrın 1-də Azərbaycan Dillər Universitetinin yeni - 3 nömrəli tədris korpusu istifadəyə verilmişdir. Bu münasibətlə keçirilən mərasimi universitetin rektoru, professor, Milli Məclisin beynəlxalq münasibətlər və parlamentlərarası əlaqələr daimi komissiyasının sədri Səməd Seyidov açmışdır. O, universitetin keçdiyi inkişaf yolu haqqında ətraflı məlumat verərək, bu təhsil ocağına Prezident Heydər Əliyevin daim diqqət və qayğı göstərdiyini bildirmiş, yeni tədris korpusunun istifadəyə verilməsinin bunun daha bir təzahürü olduğunu vurğulamışdır.

Yeni korpusda iki fakültə - ingilis dili və tərcümə fakültələri fəaliyyət göstərəcək, 1500 tələbə təhsil alacaqdır.

Təhsil naziri Misir Mərdanov “Bilik günü”, habelə universitetin həyatında əlamətdar hadisə münasibətilə tələbələri təbrik etmişdir.

Yeni tədris korpusu ilə tanışlıqdan sonra yüksək balla universitetə qəbul edilmiş gənclərə tələbə biletləri və qiymət kitabçaları təqdim olunmuşdur.

Milli Məclisin deputatları Şahlar Əsgərov və Bəxtiyar Əliyev mərasimdə iştirak edirdilər.